Bring Honor to Thy Name! 1927年前聖類斯正式由慈幼會接辦,屹立第三街九十年,孕育著一代又一代聖記仔。流住聖記血的你還記得那些熟悉的神長,師長同兄弟嗎? 或者你曾經在球場上為學校踢波踢到汗如雨下,或者你曾經為學校為兄弟守住每一個籃板球,或者你拎起過屬於學校的球拍全力扣殺,又或者你係越野隊,田徑隊用雙腳同聖類斯經歷風雨。或者你屬童軍16旅,係無數個日落下練習步操。或者你係話劇,朗誦,辯論隊曾係舞台打出屬於熱血的一片天。或者你的足印係五社,Youth club,SAA... 不論你的歴史記載係邊一個年代,邊一個團體,大家都流住聖類斯的血,都曾經為聖記老招牌流過熱血,流過淚水同汗水,都以Bring Honour to Thy Name 為己任! 大家的故事一年又一年,一代又一代與聖記共進退,共成長。 ----------------------------- 來年母校90週年,學校,老師或者師兄弟都好想再次見到大家的臉孔,只要你係聖記的人,學校的大門就會為你而開,期待球場上再見你熟悉的背影,再聽你道來當天的聖記故事! 請習齊兄弟戰友,返聖記,返屋企! 日期:2017年1月14日(六)時間:下午2時-8時30分 節目詳程: Homecoming 彌撒 地點及時間:學校小聖堂 2:00-3:00 pm 懷舊小食(辣魚蛋,牛雜,齋鹵味,豆腐花,雞蛋仔) 地點及時間:足球場側有蓋場地 2:00-6:00 pm
翰叔細數當年情 地點及時間:一樓GP Room 4:00-5:00 pm
老師學生聯隊對舊生聯隊足球比賽 地點及時間:足球場 4:00-5:00 pm
SLOBA Exchange - 型仔改造班 地點及時間:一樓GP Room 5:00-6:00 pm
晚飯、啤酒汽水大比拼(燒味、pizza、蛇羹,臘味糯米飯……) 地點及時間:室内活動中心 6:00-8:30 pm
尚有其他活動在安排中,稍後會再公布,敬請留意。 |
Latest News 最新消息 >